ജോധ്പുർ: കൃഷ്ണമൃഗത്തെ വേട്ടയാടിയ കേസില്‍ ബോളിവുഡ് സൂപ്പര്‍സ്റ്റാര്‍ സല്‍മാന്‍ഖാന് 2 വര്‍ഷത്തെ തടവ് വിധിച്ച് ജോധ്പുർ ചീഫ് ജുഡീഷൽ മജിസ്ട്രേറ്റ് ദേവ് കുമാർ ഖത്രി. കേസില്‍ ഉള്‍പ്പെട്ട മറ്റു താരങ്ങളായ സെയിഫ് അലി ഖാൻ, തബു, സോണാലി ബേന്ദ്രേ, നീലം എന്നിവരെ കോടതി വെറുതെ വിട്ടു.
അപ്പീല്‍ നല്‍കുന്നതിനായി കോടതി സല്‍മാന്‍ഖാന് ഒരു മാസത്തെ സമയവും നല്‍കിയിട്ടുണ്ട്. കേസിന്‍റെ വിചാരണാ നടപടികൾ മാർച്ച് 28ന് പൂർത്തിയായിരുന്നു. വന്യജീവി സംരക്ഷണ നിയമത്തിലെ 51, ഇന്ത്യന്‍ ശിക്ഷാ നിയമം 149 വകുപ്പുകള്‍ പ്രകാരമുള്ള കേസായിരുന്നു ഇത്.
കേസില്‍ ഉള്‍പ്പെട്ട എല്ലാവരോടും കോടതിയില്‍ ഹാജരാകാന്‍ പ്രത്യേക നിര്‍ദ്ദേശവും കോടതി പുറപ്പെടുവിച്ചിരുന്നു. ഇതനുസരിച്ച് എല്ലാവരും കോടതിയില്‍ ഹാജരായിരുന്നു.
1998 ഒക്ടോബർ 1, 2 തീയതികളിൽ ജോധ്പുരിലെ കൺകാണി വില്ലേജിൽ രണ്ടു കൃഷ്ണമൃഗങ്ങളെ സൽമാൻ ഖാൻ വേട്ടയാടി കൊലപ്പെടുത്തിയെന്നാണു കേസ്. ഹം സാത് സാത് ഹേ എന്ന ചിത്രത്തിന്‍റെ ഷൂട്ടിംഗിന്‍റെ സമയത്തായിരുന്നു ഇത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
